جی این کے اردو 14/ اپریل 2024
(نظم)
✍️ ابو امامہ شاہؔی ارریـاوی
موبائل : 7488641665
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ذکر تیرا بعد تیرے
( بیادِ محمد شکیب اکرم ابنِ خورشید اکرم سوز)
عجب ہے قدرت کی پردہ داری کہ ذکر تیرا ہے بعد تیرے
بڑھی ہے پھر آج بے قراری کہ ذکر تیرا ہے بعد تیرے
نہ شورشِ دل سکوں طلب ہے ، نہ راحتِ جاں جنوں طلب ہے
ہوا ہے مجھ پر کیا رمز طاری کہ ذکر تیرا ہے بعد تیرے
ہے سونا سونا سا گلشنِ دل ، نہ چڑیا چہکے ، نہ پھول مہکے
خزاں رسیدہ ہے کیاری کیاری کہ ذکر تیرا ہے بعد تیرے
نہ ضبطِ آہ وفغاں ہے مجھ میں،نہ تابِ دیدارِ جاں ہے مجھ میں
یوں کی ہے آنکھوں نے اشک باری کہ ذکر تیرا ہے بعد تیرے
کبھی جو فرقت میں لوٹ آۓ شکیبِ دل کو ، قرارِ جاں تو
لٹا دوں تجھ پر میں دنیا ساری کہ ذکر تیرا ہے بعد تیرے
ہے تیری آمد کا دل کو دھڑکا ، ہر ایک آہٹ پہ تیرا کھٹکا
اسی تجسس میں شب گذاری کہ ذکر تیرا ہے بعد تیرے
ترے سفر کا میں تنہا راہی ، حیاتِ دشوار تر گذاری
نہ چارہ جوئی ، نہ غم گساری کہ ذکر تیرا ہے بعد تیرے
ہزاروں دل کا مداوا بن کر اے راحتِ جاں ! تو لوٹ آ اب
کروں میں کب تک یوں آہ و زاری کہ ذکر تیرا ہے بعد تیرے
چلےبھی آ اب اےشمعِ محفل کہ بزمِ شاہؔی ہےتجھ سے روشن
رہے گی کب تک یہ سوگواری کہ ذکر تیرا ہے بعد تیرے
????????????????????
.
