لگتا تھا یہ دھرتی اپنی لگتا تھا یہ چرخ مرا جس جانب بھی آنکھیں جاتیں پتلی میں بس رنگ ہرا خوب اچھلتے خوب مچلتے خوب مناتے موج مزا اتر دکھن پورب پچھم چاروں جانب مست فضا ٹھنڈی ٹھنڈی ،خوشبو والی بہتی تھی ہر اور ہوا کوئی ایسا بورڈ نہیں تھا درج ہو جس پر یہ جملہ “اندر آنا سخت منع “ آج تو اپنی دیواروں پر بھی لکھّا ہے یہ فقرہ “کاغذ ہے تو دکھلاؤ تم ورنہ گھر گر جاۓ گا “ برسوں کی تعمیر ہے صاحب پرکھوں کی جاگیر ہے صاحب اپنی یہ تقدیر ہے صاحب بچوں کی تنویر ہے صاحب ساعت ایسی آن پڑی ہے کاغذ پر تقدیر ٹکی ہے اک ٹکڑے میں جان بسی ہے اک اک من میں آگ دبی ہے اک اک تن کی سانس ٹنگی ہے کاغذ جانب آنکھ لگی ہے ۔۔۔۔۔۔۔۔۔۔۔
